BUTUAN CITY- Nagbilin og dakong marka sa international stage ang usa ka Butuanon artist human makadaog og First Place sa Live Fest 2025 Campaign–Talent League Music Category nga gipahigayon sa Phuket, Thailand, nga gisugdan pa niadtong Disyembre 2025.
Si Christilette Mae Oclarit, usa ka Butuanon performer, mipasundayag sa iyang original nga mga kanta nga “Return of the Balangay” ug “ILUPAD” kansa nagdala kaniya sa dungog ug pag-la sa tibuok kalibutan.
Sumala pa ni Oclarit, dili sayon ang iyang na-agian aron makab-ot ang damgo nga makaperform sa international stage, apan pinaagi sa lig-on nga determinasyon ug walay puas nga suporta sa pamilya ug mga higala, nakab-ot niya ang maong kalampusan.
Ang iyang pagdaug naghatag og inspirasyon sa mga kabatan-onan nga nagtinguha nga mosunod sa dalan sa musika ug nagpakita nga posible ang internasyonal nga dungog bisan gikan sa lokal nga komunidad.
Gipadayag usab ni Oclarit nga ang iyang tinguha mao ang pagpasigarbo sa kultura sa Pilipinas ug sa Butuan pinaagi sa musika ug performance, kansa nagdala og garbo ug identidad sa mga Pilipino sa international stage.
