-- ADVERTISEMENT --
BUTUAN CITY – Natangtang ang wala nga side mirror sa usa ka bus sa Bachelor Express Incorporated human na-sideswipe kaganinang alas-8:50 sa buntag, sa usa ka wing van nga gikan sa usa ka hardware sa national highway, sa Purok 6, Brgy. Ampayon ning siyudad sa Butuan.
Sigon sa bus driver nga si Jeffrey Pakelit, 38-anyos, minyo ug residente sa Purok 11, New Washington, Brgy. 39-D, Davao City, padulong na unta sila sa Langihan Bus Terminal.
Apan pag-abot sa dapit nga nahitabo, mideretso pagtabok ang kargado nga wingvan taliwa nga nakita na matud pa niini ang iyang yunit.
Dali matud pa siyang mi-brake apan mitiwas pagtabok ang van rason nga natangtang ang side mirror sa gimanihuan niyang yunit.
