BUTUAN CITY – Midaog si American rapper Afroman gikan sa kasong gipasaka sa pito ka mga deputies sheriff.
Madumdumang gikasuhan ang rapper tungod sa iyang pagbatikos sa kapulisan sa gihimong raid sa iyang balay niadtong tuig 2022 isip kabahin sa ilang drug ug kidnapping investigation kondiin wala’y nakitang bisan unsa mang ebidensiya ang kaulisan ug wala’y kasong gipasaka.
Tungod niini, mihimo ang singer og kantang “Lemon Pound Cake” kondiin ginamit niya sa video ang mga videos nga kuha sa CCTV footage sulod sa iyang balay nga gikasuko sa mga otoridad rason nga gikasuhan siya og defamation nga mao usa’y gibasura human sa pagdungog.
Nasayrang mihangyo pa ang mga otoridad nga magbayad ang rapper og $3.9 milyon isip damages tungod matud pa sa pagpaka-ulaw nga naghatag kanila og mental distress, ka-ulawon ug pagkaguba matud pa sa ilang reputasyon.
Sa iyang social media, nag-post ang rapper nga si Joseph Foreman sa tibuod nga kinabuhi kondiin iyang gibutyag nga ang iyang gihimo, kabahin lang sa freedom of expression.
