BUTUAN CITY – Nagpadayon karon ang pagbotar sa mga Amerikano sa mga nagkadaiyang mga estado sa Estados Unidos alang sa presidential election. Kagabie, oras sa Pilipinas, nag-tie na ang boto ni Trump ug Harris sa kumunidad sa Dixville Notch sa New Hampshire- ang maong lugar diin pinaka-unang mamotar matag-eleksyon sulod na sa pila ka dekada.
Ang ilang mga polling station, nag-abli sa alas-12 pa ang takna sa kaadlawon sa Nobyembre 5, oras sa maong nasod. Mibotar na si Donald Trump sa Palm Beach, Florida kauban sa asawa niining si Melania. Samtang si Kamala, nahuman na pagbotar ning nakalabay nga semana pinaagi sa mail voting.
Samtang ang Cambria County pa lamang sa Pennsylvania ang nakasinati og software issues nga naka- apekto sa voting scanners rason nga na-extend usab og pila ka oras ang pag- abli sa ilang mga polling stationsi. Samtang sa Georgia, dunay natala nga lima ka mga non-credible bomb threats nga ningresulta sa temporaryo nga paghikling sa mga botante.
Sumala sa Georgia’s secretary of state gikan matud pa sa Russia ang nasangpit nga mga bomb threats. Sa kasamtangan usab, ninglabaw na og dyutay si Harris sa key swing state nga Pennsylvania, ug natala usab niini ang minor leads sa Wisconsin ug Michigan.
Samtang, si Trump usab, ninglabaw na og gamay sa Nevada, Georgia, North Carolina, ug Arizona.
