BUTUAN CITY – Nagbahad si United States President Donald Trump nga dili niya tugutan ang gikatakdang pag-abli sa Gordie Howe International Bridge nga nagdugtong sa Estados Unidos ug Canada, usa ka proyekto nga nagkantidad og $4.7 bilyon.
Sumala sa iyang gi-post sa Truth Social, dili niya tugotan nga ma-abli ang tulay hangtod nga ang United States makapanag-iya og katunga sa proyekto ug mabayran og insakto human nga mireklamo si Trump sa Canada tungod kay gamay ra matud pa nga mga produkto sa U.S. ang gigamit sa konstruksyon niini.
Ang tulay gipangalan kang hockey legend Gordie Howe ug ang komento ni Trump mitumaw samtang nagpadayon ang tensyon tali sa Washington ug Ottawa, lakip na ang hulga sa U.S. nga magpatuman og taas nga taripa human sa engkwentro sa Canadian Prime Minister Mark Carney uban sa China.
