BUTUAN CITY- Nangandam na matud pa ang US military sa paglusad og strike sa Iran diin posibleng himuon sa weekend. Apan, wala pay pinal nga desisyon si US President Donald Trump kung tugatan niini ang maong aksiyon, base sa ubang source nga pamilyar sa maong gisgutanan.
Napahibalo na usab matud pa kini sa White House nga andam ang militar arom umatake sa weekend, sumala sa usa ka source, dungan sa nasigpatang buildup o pagdaghan sa air ug naval assets sa Amerika sa nakalabayng adlaw sa Middle East.
Gani, sumala sa usa ka source, kasamtangan pa kining gidibatihan sa pribado ni Trump kung mohimo og military action ug gikunsulta ang advisers ug ang iyang kaalyado kung unsa ang mas maayo nga aksiyon.
Kahinumduman, niadtong adlaw nga Martes, Pebrero 17, minghimo og indirect talks ang mga negotiator sa Iran ug US sa Geneva aron mokalma ang tensiyon tali sa duha ka nasud bansa apan nahuman kini nga walay klarong resolution.
