BUTUAN CITY – Nakatakdang maghatag og dugang usa ka milyon dolyares ang Estados Unidos sa Amerika sa Pilipinas nga gamiton para sa humanitarian aid dumalahon sa USAID ug World Food Programme.
Sa pagbisita ni Lloyd Austin, US Defense Secretary sa Malakanyang, gibutyag sa opisyal nga gihatagan niini og otorisasyon ang tanang US forces nga anaa sa nasud aron motabang sa nagpadayon nga rescue, relief og rehabilitation efforts sa gobyerno. Kini tungod usab sa nahimong pagkuso-kuso sa mga nakalabay nga bagyo.
Ang dugang uno milyones dolyares nga tabang ang gawas pa sa 100,000 pounds nga suplay nga ilang ihatag sa mga naunang bagyo ug nagpadayon pa gihapon ang pagtabang aron mas paspas nga makabangon ang Pilipinong hilabihan nga naapektuhan sa kalamidad.
Ang alyansa sa Pilipinas ug Amerika mas gipalig-on pa sa nakalabay nga 40 ka tuig.
Sa panagtagbo, nahisgutan nila nina Pangulong Marcos ug Sec. Austin kung unsa pa ang ubang mga tabang nga pwedeng ihatag sa US sa Pilipinas.
Sa pikas bahin, nagpa-abot usab og pahasubo ug pag-ampo ang Amerika sa Pilipinas ug sa mga Pilipinong nakasinati og pagkuso-kuso sa unom ka sunod-sunod nga bagyo.
