BUTUAN CITY- Wala gitugotan sa usa ka federal judge ang hangyo sa estado sa Minnesota nga ipahunong ang dakong immigration ug deportation operation sa U.S. Immigration and Customs Enforcement (ICE) kansa nailhan nga Metro Surge, diin nakapahimo og kalibutanong batikos human sa pagkamatay sa duha ka US citizens ug dagkong protesta.
Apan sa laing desisyon, gimando sa korte nga buhian ang 5-anyos nga si Liam Conejo Ramos ug ang iyang amahan nga si Adrian Conejo Arias, nga mga asylum seeker diin nadakpan sa Minneapolis niadtong Enero 20 ug gidala sa Texas.
Gipahayag sa hukom nga ang balanse sa kadaot dili makapabor sa injunction, samtang tungod sa kontrobersiya gipulihan ni Presidente Donald Trump si Gregory Bovino isip hepe sa Customs and Border Protection ug gibutang si Tom Homan nga misaad nga pagamenusan ang madugong operasyon.
Nagpahayag usab og kapakyas si Minneapolis Mayor Jacob Frey nga miingon nga ang desisyon dili makapapas sa kahadlok ug kagubot nga nasinati sa mga residente
