BUTUAN CITY-Gi-anunsyo ni US President Donald Trump nga ang Estados Unidos ug Iran mipahigayon og mga panag-istoryahanay kabahin sa hingpit nga paghunong sa kasamok sa Tunga-Tungang Sidlakan.
Tungod sa maong negosasyon, gi-undang una ni Trump ang iyang hulga nga atakehon ang mga planta sa kuryente sa Iran. Niadtong Sabado sa gabii, gihatagan niini ang Iran og 48 ka oras nga ultimatum aron abrihon pag-usab ang Strait of Hormuz, ug kon dili, gibutyag niining pabuthon sa US ang mga planta sa kuryente sa Iran, sugod sa pinakadako nga pasilidad.
Sa usa ka tawag sa telepono niadtong Dominggo sa gabii, nagkauyon si UK Prime Minister Keir Starmer ug si Trump nga ang pag-abli sa Strait of Hormuz mao’y “kritikal aron mabalik ang global nga pagpadagan sa barko.” Ang tawag nga milungtad og 20 minutos gihulagway sa Downing Street nga “konstruktibo,” bisan pa nga sa samang adlaw, si Trump mipa-ambit og satirical nga video kabahin sa Punong Ministro.
Samtang, ang Israel Defense Forces (IDF) nagpasidaan nga magpadayon pa ang ilang panagsangka batok sa Iran ug Hezbollah sulod sa pipila pa ka semana.
