BUTUAN CITY – Nag-anunsiyo ang United States og pagsaka ngadto sa 25-milyones dolyares sa reward alang niadtong makahatag og impormasyon nga mosangpot sa pagka-aresto ni Venezuelan President Nicolás Maduro, atol adlaw nga nanumpa kini sa iyang ikatulong termino sa pagka-presidente.
Lakip sa reward nga gihanyag ang alang sa impormasyon nga moresulta sa pagka-aresto o pagka-kumbikto ni Interior Minister Diosdado Cabello samtang duna pay bag-ong reward nga 15-milyones dolyares alang kang Defence Minister Vladimir Padrino.
Samtang ang United Kingdom nag-isyu usab og sanctions batuk sa 15 ka top Venezuelan officials, lakip niini mga judges, miyembro sa security forces og military officials.
Sumala sa Foreign, Commonwealth and Development Office ang mga gihatagan sa sanctioned pulos responsable sa pagsabotahe sa demokrasya, rule of law, og human rights violations”.
Ang Canada nag-imposar usab og bag-ong sanctions sa gihulagway ni Foreign Minister Mélanie Joly nga makauulaw nga binuhatan ni Maduro.
Nasayrang kanunay usab nga ginegar ni Maduro og sa iyang gobyerno ang daghang alegasyon gikan sa Western countries og opposition leaders.
Mahinumdumang 2020, sa dihang gikasuhan sa US si Maduro og uban pang senior officials tungod sa ilegal nga drogas og korapsiyon.
Gi-akusahan kini nga nagpabaha og cocaine ngadto sa US nga maoy gigamit aron atakihon ang panglawas sa mga amerikano.
