BUTUAN CITY – Nagusuod na ning mga orasa ang pagpadayugdog sa mga lumolupyo sa ubang Estado sa mga nagkadaiyang polling centers sa America alang sa piniliay sa ilahang Presidente.
Sa pagkutlo ning balita, nag tie na ang boto ni trump ug harris sa usa ka kumunidad nga nailang Dixville Notch sa sa Estado sa New Hampshire – kahibaloan nga ang maong lugar ang pinaka unang mamutar matag election sa US sulod sa pila na ka dekada, diin ang ilahang mga polling station, mangabli, alas 12 pa ang takna sa kadawon, oras sa maong nasod.
Sa kasamtangan, undetermined pa gihapon kung si kinsa ang modaug sa maong bugnong lugaynon tungod kay halos fity-fifty man ang dula tali nila ni Donald Trump ingon man ni Kamala Harris.
Alayon niini, daghang mga negosyo na usab sa maong nasod ang nangandam na alang sa gilaumang “unrest” kon kagubot sa nasangpit nga adlaw, diin sa kaulohan sa maong nasod Washington DC, gipangtabonan na sa daghang mga tindahan ang ilahang mga dingsing nga samin isip pagpangandam sa mga mahitabong rally sa maong nasod.
Daghang mga national guardsmen na usab ang naka standby sa mga dagkong stado sama sa Alabama, Arizona, Delaware, Iowa, Illinois, North Carolina ug New Mexico.
Ning hapona lang, oras sa Pilipinas, gitapos na sa duha ka mga kandidato ang ilahang pagpangampanya, si Harris, gitak-opan ang 107 nga kampanya niini sa Pennsylvania, samtang si Trump usab, namulong sa Michigan — asa niini napiling tak-opan ang iyahang pagpangampanya.
