BUTUAN CITY – Sigurado na ang bronze medal para sa upat ka boksidor nga nagrepresentar sa Caraga sa Palarong Pambansa 2025 human sila nakalusot sa semifinals sa ilang tagsa-tagsa ka weight divisions.
Padayon ang ilang paningkamot, kay aduna pa silay dakong tsansang makasulod sa finals ug makadaog og gold medal kung magpadayon ang ilang kadaugan.
Ang mga medalist mao sila si Mike Cliford Lacumbis Tesoro alang sa Pin Weight 44 to 46-kilogram ug si Lorenz Kit Pallares sa Minimum Weight 46 to 48-kilogram nga parehong gikan sa Agusan del Norte. Anaa pa sila Jevan Galanto sa Fly Weight 48 to 51-kilogram gikan sa Agusan del Sur, ug si Fredelynson Cuarteron sa Bantam Weight 52 to 54-kilogram gikan sa Surigao del Sur.
Gipa-abot karon ang ilang sunod nga mga away samtang nagpakita sila og determinasyon ug kaisog sa pagrepresentar sa rehiyon ug sa ilang mga probinsya.
