BUTUAN CITY – Patay ang unom ka mga bag-ong natawo nga mga bata sa Delhi, India human gilamoy sa kalayo ang balay-tambalanan sa Vivek Vihar region asa sila nahimutang.
Sumala sa mga kapulisan nga dunay 12 ka mga bata sa nasangpit nga ospital, apan ang uban matud pa sa unom ka mga nangamatay, unang gibawian sa ilang gininhawa sa wala pa nag sugod ang sunog.
Sumala pa ni senior police officer Surendra Choudhary nga kamulo pa nilang gipangita ang tag-iya sa maong ospital tungod kay gilayon kining ning sibat sa wala matinong direksyon pagsugod sa sunog. Ning kabat usab sa 14 ka mga firetrucks ang gikinahanglan aron lang mapalong ang maong kalayo.
Kahinumduman nga ning nakalabayng adlaw usab, 27 ka mga indibidwal ang gikutloan sa gininhawa human nga gilamoy sa kalayo ang games arcade sa Gujarat, India.
