BUTUAN CITY- 100% nga tumanon ni United States President Donald Trump ang hulga niini nga mopahamtang og taripa batok sa mga nasod nga mosupak sa iyang plano sa pagkuha sa Greenland.
Gani “no comment” usab matud pa kini kung mogamit ba kini og pwersa sa pagkuha sa maong isla.
Ang kontrobersiya misamot human gipagawas ang pamahayag ni Trump ngadto sa Prime Minister sa Norway, diin iyang gibutyag nga tungod wala kini gihatagan og Nobel Peace Prize, wala na siyay “obligasyon nga maghunahuna og kalinaw.
Sa laing bahin, gipasi-udga usab sa Prime Minister sa Greenland nga “dili nila tugotan ang ilang kaugalingon nga mapugos”, ug giinsistar nga ang pinakabag-ong pamahayag sa US, lakip na ang hulga sa taripa, “wala makapa-usab sa ilangbaruganan”.
Samtang gitawag usab ni United Kingdom Prime Minister Keir Starmer ang plano ni Trump nga magpahamatang og buhis batok sa walo ka North Atlantic Treaty Organization kon NATO allies isip “completely wrong”, bisan pa nga iyang gipaubos ang tono sa posibleng balos nga taripa.
Niadtong miaging simana sigon ni Trump, nga sugod Pebrero, iyang ipatuman ang 10% nga taripa sa mga produkto gikan sa walo ka kaalyado sa NATO nga mosupak sa iyang plano, ug posibleng mosaka kini ngadto sa 25% sa Hunyo
