BUTUAN CITY – Gikumpirma sa Malakanyang nga ang desisyon ni Pangulong Ferdinand Marcos Jr nga dili mutambong sa high-level meeting sa United Nations General Assembly kon UNGA sa New York City sunod semana, pamatuod lang nga gitutukan niini ang mga init nga isyung gi-atubang karon sa gobyerno.
Bisan og wala’y direktang hulga sa kinabuhi ang pangulo, gibutyag ni Palace Press Officer Atty Claire Castro nga duna na’y security measures ug nagpabiling alerto security forces aron masiguro ang kaluwasan sa pangulo.
Tungod niini, gitugyan na lang sa pangulo ang iyang mga trabahuon sa UNGA ngadto kang Foreign Affairs Secretary Maria Theresa Lazaro aron iyang matutukan ang mga local issues.
Gawas niini, wala usab matud pa mabalaka ang pangulo sa gikatakdang ilusad nga lapad nga lihok-protesta karong Septembre 21.
