BUTUAN CITY – Nabungkag ang underground bunker sa napatay nga si Iran Supreme leader, Ayatollah Ali Khamenei huamn gibombahan sa Israel Air Force, base sa gipagawas nga footage sa Israeli Defense Forces (IDF).
Kini usa ka semana sukad nga mapatay ang Iran Supreme leader.
Sumala sa Israeli military, naghulog ang 50 fighter jets og 100 ka bomba sa underground bunker, nga anaa sa “leadership complex” sa Iran sa siyudad sa Tehran.
Sigon sa IDF, sakop niini ang multiple streets, nga dunay daghang entry points ug mga lawak nga gika-ingong gigamit sa senior Iranian officials para sa ilang panagtigum.
Gitukod matud pa ang nasangpit nga underground bunker isip emergency asset para maatiman ang giyera sa ilang lider, nga napatay adiser pa man magamit kini.
Gipahayag sa Israeli military nga human mapatay si Khamenei sa strike niadtong adlaw nga Sabado, Pebrero 28, padayon nga gigamit sa senior members sa Iranian regime ang nasangpit nga bunker.
Natuman usab sa Isareli military ang “precise strike” sa underground bunker human ang pila ka tuig nga pagtoon sa site pinaagi sa Military Intelligence Directorate’s Unit 8200 ug Unit 9900, nga natahasan para sa signal ug visual intelligence.
Sumala usab sa IDF, pila ka higayon na nilang naigo ang sites sa leadership complex sa Tehran taliwa sa conflict.
Sa pagsugod sa binayloay sa strike, naigo sa IDF ug napatay si Khamenei sa iyang compound, nga parte sa complex samtang mikalas pa sa walo ka top Iranian officials ang usa pa ka strike sa kasikbit nga dakbalay.
