BUTUAN CITY – Gisugdan na ning adlawa ang unang ‘Sportsfest Gangnam’ program alang sa mga na-profile nga membro sa mga gang ning dakbayan sa Butuan.
Gibana-banang 80 kalalaki ang mupartisipar sa tulo ka Sabaduhan nga padula sa Butuan City Police Office kon BCPO ilawom sa programang gangnam.
Sigon ni BCPO Director Police Senior Superintendent Albert Magno, sugdan ang sportsfest pinaagi sa parada karong alas siete sa buntag uban sa mga entrante ug kapulisan.
Muabot sa 8 ka teams ang musalmot niini kansa langkuban sa 10 ka membro ug 4 ka pulis.
Ang mananaog adunay premyo nga gi-gahin sa kadumalahan sa BCPO hinuon wala na kini gidetalye pa sa opisyal.
Katuyoan sa maong programa nga malikay ang mga membro sa gang ngadto sa dili maayong binuhatan.
Nasayran nga ang maong programa, pinakaunang gilunsad ning dakbayan sa Butuan. (Melody Valledor)
