BUTUAN CITY – Nakumpirma sa lungsod sa Batuan, lalawigan sa Bohol, ang unang kaso sa African Swine Fever (ASF) human nag-positive ang mga blood samples nga gikuha gikan sa baboy sa Barangay Poblacion Sur.
Sigon ni Mayor Dodo Jumawid, gibana-banang mi-abot na sa 30 ka mga baboy ang namatay ug gipanglubong gilayon samtang gi-imbestigahan ang origin sa maong outbreak.
Tungod niini, gi-lockdown na ang maong barangay, sayong patuman sa istriktong biosecurity measures aron malikayan ang pagkaylap sa maong virus ngadto sa ubang lugar.
Gitambagan usab sa mga local officials ang mga silingang barangay nga magbinantayon ug magpatuman og mga preventive measures batuk sa ASF transmission.
Una nang gikumpirma ni Governor Aris Aumentado ang susamang ASF outbreak sa Barangay San Vicente, lungsod sa San Miguel, kansa na-contain gilayon gamit ang stringent protocols kansa mao usa’y gamiton sa Batuan aron masiguro ang paspas nga aksyon ug pagkontrola sa maong sakit.
