BUTUAN CITY – Sa usa ka mahinungdanong yugto sa iyang kinabuhi ingon man sa panaw niini sa kawanangan, si Indian Air Force (IAF) Group Captain Shubhanshu Shukla, nga naila usab sa iyang call sign nga ‘Shux’, nahimong unang Indian astronaut nga naka-abot sa International Space Station kon ISS kagahapon, oras sa Pilipinas.
Mi-abot siya lulan sa SpaceX Crew Dragon spacecraft nga gilusad sa ibabaw sa Falcon 9 rocket gikan sa Kennedy Space Center sa NASA sa Florida.
Pinaagi niini, nahimo usab si Shukla nga ikaduhang Indiano nga naka-adto sa kawanangan sunod kang Wing Commander Rakesh Sharma kinsa mibyahe sa usa ka Soviet mission niadtong 1984.
Ang Axiom-4 mission, nga naglakip og mga astronauts gikan sa India, Poland ug Hungary, usa ka makasaysayang kolaborasyon tali sa Axiom Space, NASA ug SpaceX—nga nagtimaan sa bag-ong kapitulo sa biyahe sa mga tawo didto sa kawanangan alang sa daghang mga nasud.
Naka-abot si Group Captain Shubhanshu Shukla sa International Space Station uban sa laing tulo ka mga astronauts ug init nga gidawat sa pito ka miyembro nga crew nga anaa na sa istasyon ug namulong sa ilang atubangan.
