BUTUAN CITY – Pormal nang gisugdan ning adlawa sa Department of Health kon DOH-Caraga ang unang hugna sa “Sabayang Patak Kontra Polio,” sa may Robinsons Mall, ning siyudad sa Butuan. Alayon niini nga kalihukan nga matapos sa Disyembre 7, gi-awhag ang mga ginikanan nga musalmot sa synchronized polio vaccination aron malikayan ang sa poliovirus.
Gawas sa vaccination, gipahimangnuan usab sa DOH ang publiko nga mintinahon ang kahinlo pinaagi sa regular nga paghugas sa mga kamot, gamit sa pansayan sa pagpagawas og hugaw og dili kay bisan asa na lang, inom sa luwas nga tubig ug saktong pagluto sa pagkaon.
Dinhi sa Butuan, gihimo ang house-to-house Patak Polio sa mga City Health Care Workers sa managlahing barangays ngadto sa mga batang nag-edad og 5-anyos pa-ubos bisan unsa pa man ang immunization status. Apan taliwa sa kaayuhang tumong sa maong polio vaccination, duna pa gihapo’y pipila ka mga ginikanan ang nagduda niini.
Sama na lang kang May Uban sa may Purok B, Brgy. Obrero kinsa nataymingan sa iyang pagpatumar og Vitamin A alang sa iyang usa ka buwang anak pa lang. Iyang gibutyag nga bisan og nasayod siyang alang kini sa kaayuhan sa mga bata, apan dili siya mu-avail niini sa pagkakaron tungod kay duna siya’y record sa iyang anak sa ilang health center og maghulat na lang matud pa siya sa itambag kaniya sa ilang mga barangay health workers adiser niya kini i-avail.
