BUTUAN CITY – Malampusong na-turnover sa Department of Science and Technology kon DOST ngadto sa local nga kagamhanan sa Cabadbaran City, lalawigan sa Agusan del Norte ang Gold-Copper Mineral Processing Pilot Plant nga gimontar sa Brgy. Del Pilar.
Sigon ni project leader Dr. Herman Mendoza, kini ang unang mineral processing plant sa rehiyon gamit matud pa ang community-led integrated non-cyanide, non-mercury method.
Gi-develop matud pa kini sa University of the Philippines kon UP alang sa small scale mining aron dili na mugamit og cyanide o kaha mercury ang mga small scale miners.
https://www.facebook.com/dxbn792am/videos/359220831610628/?t=2
Gibutyag sa opisyal nga kini na ang ika-upat nga susamang planta sa tibuok nasud og ikaduha sa pulo sa Mindanao diin ang usa didto sa Itogon, Benguet samtang ang laing usa didto sa Bicol Region kansa parehong mga operational.
