BUTUAN CITY- Ipahigayon karong adlawa Huwebes, Pebrero 12, 2026 ang unang Committee hearing sa dakbayan sa Butuan alang sa pagtuki sa proposed ordinance nga maghatag og Localized Social Pension sa mga Persons with Disability kon PWDs.
Gipasabot ni Ritchie Ravelo, Presidente sa Person with Disability Federation sa Butuan City, nga kaniadtong miaging tuig nahimo na ang diskusyon bahin niini ug giila nga dako kaayo og tabang sa mga PWDs nga limitado ang oportunidad sa pagpanginabuhi.
Gani, gi-implementar na usab matud pa kini sa laing lugar sama sa Bislig City ug Dinagat Island, diin aduna na silay programa nga naghatag og P500 matag bulan sa liboan ka PWD beneficiaries.
Gibutyag usab ni Ravelo, nga minghanyo na kini karon sa mga opisyal nga suportahan ang maong panukiduki aron matabangan ang mga ginikanan nga nag-atiman sa ilang anak nga PWDs ug aron mahatagan og dugang nga paglaom ang mga kabus nga PWDs sama sa mga senior citizen nga nag-enjoy na sa ilang social pension
