BUTUAN CITY – Gidugok gilayon sa mga Butuanons nga gustong makabotar sa May 2024 midterm elections ug sa December 2025 barangay elections, ang unang adlaw sa voter’s resignation sa Commission on Elections kon COMELEC-Butuan nga matapos sa Septembre 30 ning tuiga.
Sa eksklusibong pakighinabi sa Bombo Radyo Butuan, gibutyag ni city election officer Tristan Niog nga andam silang mudawat og 50 ngadto sa 100 ka mga indibidwal nga magparehistro kada-adlaw, apil na niini ang mga bag-ong botante, mga transferees gikan sa usa ka barangay ngadto na sa laing barangay, magpa-reactivate ug kadtong magpa-usab sa ilang entry.
Sigon ni Atty. Niog, gikan sa adlaw’ng Lunes hangtud Sabado sa alas-otso sa buntag ngadto na sa alas-singko sa hapon ang ilang rehistrasyon apil na sa mga holidays gawas lang sa Semana Santa karong Marso 28, 29 ug 30.
Kinahanglan matud pa nga magdala og valid government ID ang mga magparehistro samtang ang mga 1st timers, mas maayong magdala usab sa ilang birth certificate ug kadtong mubalhin og lugar nga botaran, gitambagan usab nga magdala sa ilang proof of residency sa lugar diin silang mubalhin sa pagbotar sama sa proof of billing.
Gipahibalo usab sa opisyal nga available na ang ilang Register Anywhere Program kon RAP kondiin ang usa ka registrant, kinahanglang usa ka tuig nga nagpuyo sa nasud ug unom ka buwan nga nagpuyo sa lugar diin gusto niyang mubotar.
Iyang gipasabot nga pwedeng magparehistro ang si bisan kinsa kung asa siya na-abtan ug rehistrasyon apan didto siya mubotar sa lugar diin siya nagpuyo o gustong mubotar.
Dinhi sa Caraga Region, bugtong ang mga siyudad lang sa Butuan ug Cabadbaran ang naghanyag sa nasangpit nga programa.
Samtang,
