BUTUAN CITY- Gitambungan sa nagkada-iyang school heads gikan sa nagkadaiyang eskwelahan ang unang adlaw sa pagpahigayon sa pilot face to face classes sa Alegria Stand Alone Senior High School sa Surigao del Norte province.
Lakip sa mibisita usab mao ang mismong DepEd Caraga Regional Director nga si Ma.Gemma Ledesma, uban sa ubang mga personahe sa dibisyon, kansa personal nga mi-obserbar sa pagbukas sa pilot run alang sa limitado nga face-to-face classes.
Tumong sa pagtambong sa ubang pangulo sa skwelahan mao ang pag-benchmark sa mga best practices sa ilang pag-aplay alang sa sunod nga batch sa mga eskwelahan nga moapil sa implementasyon kondiin ang mga estudyante moagi sa daghang mga protocol sa pagsusi sa kahimsog sa dili pa ang pag-check-in sa klase aron masiguro ang kaluwasan.
Tungod niini gibahin sa tag duh aka batch ang matag section aron ma-limitahan ang ihap sa mga studyante sulod sa classroom hinungdan nga ang mga estudyante sa Grade 11 gi-assign alang sa morning session samtang ang mga estudyante sa Grade 12 anaa sa afternoon session.
