BUTUAN CITY – Nagmalampuson ang unang adlaw sa pagpatuman sa anti-colorum Campaign sa ginsakupan sa Department of Transportation and Railways kon DOTr-Caraga kagahapong adlawa.
Sumala ni Maria Christina Casion, tigpamaba sa maong buhatan, nag-checkpoint sila sa may Bishop Palace, sa Barangay Ampayon, ning siyudad kondiin muabot sa 13 ka mga sakyanan ang nadakpan, lakip na niini ang bus, van ug single motor tungod sa nagkada-iyang kalapasan.
Apil na sa mga violations ang expired ug peke nga papel. Samtang dunay mga drayber nga gihatagan nilag tsansa nga mahikay ang mga papeles.
Alayon niini, gi-awhag nalang ni Casion ang tanang nagbaton ug sakyanan nga musubay sa nakalatid sa balaod.
Gipaneguro nalang sa opisyal nga magpadayon ang pagpatuman sa kampanya kontra kolorom hangtud malimpyuhan ang kadalanan. (Rolan Janea)
