BUTUAN CITY – Gidugok sa mga registrants ang unang adlaw sa pagbalik na sa voter’s registration sa Commission on Elections kon COMELEC-Caraga kagahapong adlawa, Agusto 1.
Sigon ni COMELEC-Caraga regional director Francisco Pobe, ang duha ka buwang registration period nga matapos sa Septembre 30, preparasyon alang sa Mayo 11, 2020 nga barangay og Sangguniang Kabataan kon SK elections kung wala’y mahitabong ka-usaban.
Sa eksklusibong pakighinabi sa Bombo Radyo Butuan, gibutyag sa opisyal nga sa entiro nasud, target nilang makarehistro og 1.2 milyunes ka mga SK voters apil na niadtong mga mag-18 anyos na samtang 1.5-milyunes usab alang sa mga regular voters.
Dinhi sa Caraga Region, gila-uman sa opisyal nga makatala sila og 10-porsiento sa statistical probability increase tungod sa gila-uman nang daghang mu-migrate isip preparasyon sa maong eleksyon.
Gibansay na usab niya ang ilang mga provincial election officers aron mas mahitsas pa sila sa maong kalihukan ilabina ang paghatag og prebilihiyo sa rehistration ngadto sa mga persons with disability kon PWDs, mga senior citizens, mga buntis og uban pang gikonsiderang mga under priviledge nga mga tawo.
Gidugang sa opisyal nga gimubo ang registration period nga matapos sa Septembre 30tungod sa daghan pa nilang angayang buhaton sa duha ka klase sa eleksyong himuon.
