BUTUAN CITY – Full force gihapon ang Commission on Elections kon COMELEC-Butuan sa unang adlaw sa filing sa certificate of candidacy karong adlawa alang niadtong magpapili sa May 2025 midterm elections. Kini bisan pa man nga mingaw ang unang mga oras kaganinang buntag tungod sa kawala pa’y midalikyat nga mga aspiring candidates.
Sa eksklusibong pakighinabi sa Bombo Radyo Butuan, gibutyag ni city election officer Atty. Tristan Niog nga base sa mga nanglabay ng katu-igan, kasagaran sa mga mukandidato, adto na mag-file sa ilang certificate of candidacy sa tunga-tunga o kaha sa katapusang adlaw sa filing.
Karong lone district na ang Butuan City human nga gibalik na sa Agusan del Norte ang lungsod sa Las Nieves, ang ma-file-lan og certificate of candidacy, mao kadtong posisyon sa pagka-kongresista, mayor, bise-mayor ug mga konsehal. Dili pa mabutyag sa opisyal kung pila ang posibleng magduso sa ilang COC apil na ang mga supporters ug mga pamilyang mu-uban sa ilang pagduso
