BUTUAN CITY – Nagmalinawon ang unang adlaw sa Caraga Regional Athletic Games 2024, kini ang gikataho ni Mr. Pedro Tecson, ang tipamaba sa Department of Education Caraga.
Sumala niini nga hapsay ug han-ay ang mga panghitabo sa unang adlaw sa maong padula, ingon man nasunod usab ang tanang plano para sa nasangpit nga event.
Gikalipay usab sa maong opisyal ang balita nga walay mga nakuyapan o nawa-an og panimuot nga mga atleta tungod sa kainit sa panahon, kini tungod na usab sa lakang nga ilahang gihimo asa gisuspende ang mga outdoor games nga naka schedule sa udto, ug gi balhin kini sa hapon kon asa bugnaw na ang panahon.
Alayon niini, ningapilar usab ang maong opisyal sa publiko sa mga pag-ampo ngadto na sa maong kalihukan, nga untana, wala matud pay dili maayong mahitabo taman sa mahuman ang maong event, ilabi na sa mga batang atleta.
