BUTUAN CITY – Gihatagan og ultimatum nga hangtod Lunes, Nobyembre 24 si kanhi Ako Bicol Party-list Representative Zaldy Co ug laing 15 ka mga indibidwal human gi-isyu-an og arrest warrant tungod sa anualusong flood control projects.
Sigon ni Department of the Interior and Local Government (DILG) Secretary Jonvic Remulla, nagpagawas na siya og memorandum order human nadawat ang kopya sa arrest warrants.
Sigon sa kalihim, gihatagan nila og higayon ang mga akusado nga mosurender sa pinakaduol nga ahensya sa gobyerno hangtod Lunes aron dili sila pangitaon ug buhaton nila ang tanan aron mapa-atubang sila sa balaod.
Alang sa pag-serve sa arrest warrant kang Co nga atua gawas sa Pilipinas, gibutyag ni Sec. Remulla nga dili nila isalikway ang posibilidad nga ibalik na siya sa nasod pinaagi sa “back door.”
Ila matud pang adtoon ang mga address sa balay sa kanhi magbabalaud aron isilbi ang warrant ug mosusi usab sila sa iyang mga negosyo apan kung dili gihapon makita, magpadala sila og notice sa International Criminal Police Organization (Interpol) aron dakpon kini.
Una nang gi-report ni Sec. Remulla nga base sa ilang tracking, nasigpatan si Co sa Japan ning miaging Lunes, unya mitabok sa China ug posible nga nibalik sa Europe pagka-Huwebes.
