BUTUAN CITY – Gisayangan og dako si Kapitan Gilbert Enriquez sa Brgy. Doongan ning siyudad sa Butuan human nadakpan ang ilang NO. 1 Sangguniang Kabataan kon SK kagawad atol sa drug buy-bust operation nga gilusad pasado alas-10:30 kagabii sa ginsakpan sa Butuan City Police Station 2.
Sa eksklusibong pakighinabi sa Bombo Radyo Butuan, gibutyag ni Kapitan Enriquez nga ang nadakpang si Ronnie ‘Kuri’ Ybañez, 23-anyos, ulitawo ug residente sa Purok 7 , sa maong barangay nalambigit lang kaniadto sa paggamit og shabu kinsa taud-taud na niyang gitambagan nga undanong na kini ilabina nga mulingkod na kini pagka-SK chairman sa ilang barangay sunod buwan human nga nanumpa na pagka-pulis ang ilang SK chairman.
Gisayangan lang matud pa sa suspek ang kahigayunang alang na unta kaniya tungod sa wala pagpatuo sa iyang tambag nga undangon na ang ilang bisyo tungod sa dakong responsibilidad na unta nga iyang kuptan ug posible pa siyang masuspende sa iyang kasamtangang posisyon higayong mahukman sa salaud nga iyang nakumitar.
Gidugang pa ni Kapitan Enriquez, iya pang na-istorya ang suspek uban sa amahan niini kinsa iyang higala alang sa kuptan na unta niining bag-ong posisyon apan daling gisikop human nakahatag sa poseur-buyer og usa ka sachet sa gidudahang shabu nga gibana-banang mitimbang og .3-gramos ng nagkantidad og 2-mil pesos.
Nakuha usab sa iyang posisyon ang usa ka libo ka pesos nga marked money apil na ng 77-pesos nga kwarta.
