-- ADVERTISEMENT --
BUTUAN CITY – Padayon pang nag-alim sa balay-tambalanan ang usa ka ulitawo human niini alanganing giputol ang iyang kinatawo dihang gikasab-an sa iyang uyuan kagahapon.
Naila ang biktimang si Mark Gallero, 28-anyos, residente sa Purok 2, Brgy. Bay-ang, Cabadbaran City, lalawigan sa Agusan del Norte. Nasayrang gikasubo sa biktima ang padayong pagkasaba sa iyang uyuan ngadto kaniya higayong magsaba-saba sila uban sa iyang mga higala sulod sa pinuy-anan.
Dihang nag-inusara na sa ilang pinuy-anan kagahapon sa alas-nueve sa buntag, nahuna-hunaan niyang magpakamatay pinaagi sa pagputol sa iyang kinatawo.
Na-abtan pa kini sa iyang gihimo hinungdan nga wala mahurot kaputol ang iyang kinatawo og nadala pa kini sa ospital. (Beth Ruiz)
