-- ADVERTISEMENT --
BUTUAN CITY – Patay ang usa ka batan-ong lalaki nga taga Barangay Buenasuerte, San Francisco Agusan del Sur human na igo og kilat kagahapong adlawa, Agusto 2, bandang alas 5 ang takna sa hapon.
Sumala sa usa ka post sa ig-agaw sa biktima nga naigo matud pa sa kilat si Federick John Bermudez, 23-anyos, ug ulitawo samtang kini nananum.
Sa kasamtangan, gihaya na ang patayng lawas sa maong biktima sa Purok-3 Barangay Buenasuerte, San Francisco Agusan del Sur.
