BUTUAN CITY – Tingkagol sa karsel sa Barobo Municipal Police Station sa lungsod sa Barobo, Surigao del Sur ang usa ka 20-anyos nga ulitawo nga si alyas Joey human niini nadani sa paighilawas ang usa ka minor-de-edad.
Saysay sa inahan sa biktima, naka-inom matud pa ang suspetsado kinsa misulti sa bata nga nakagusto kini kaniya.
Sa tanto nilang panag-istorya, nakumbinsi niini ang biktima nga magbirada sila apan misumbong gilayon kini ngadto sa iyang inahan rason sa ilang pagdangop sa kapulisan.
Nasayran nga pasado alas-4:00 ning mi-aging hapon, gilusad sa kapulisan sa maong lungsod ang hot pursuit operation uban sa mga barangay officials sa Tambis nga miresulta sa pagkasikop sa suspetsado didto sa may Purok-1 Ebu, Barangay Tambis, sakop sa maong lungsod.
