BUTUAN CITY – Gibaha ang daghang lugar sa Quezon ug Camarines Norte tungod sa ulan nga dala sa shear line karong adlawa.
Sa Tagkawayan, Quezon, daghang barangay roads ang dili na maagian tungod sa tubig-baha samtang sa Gumaca halos zero visibility na tungod sa baga nga panganod.
Sa Basud, Camarines Norte, gihikling usab ang mga residente sa Purok 4, Barangay Tuaca tungod sa abot sa li-og nga baha, ug nagtambayayong na ang mga barangay officials sa paghikling bisan pa sa tugnaw nga panahon.
Dili na usab maaginan ang bahin sa Maharlika Highway sa Labo ug Sta. Elena tungod sa baha ug na-wash out nga yuta, nga karon giayo sa Department of Public Works and Highways Bicol.
Nagbantay na usab ang lokal na panggamhanan ug Disaster Risk Reduction Management Office sa posibleng evacuation samtang nagpadayon ang ulan.
Sumala sa PAGASA, magpadayon ang scattered rains ug thunderstorms sa Luzon tungod sa shear line ug Northeast Monsoon o Amihan.
