BUTUAN CITY- Nangayo og pasaylo si Prime Minister Keir Starmer sa mga biktima ni Jeffrey Epstein ug mingbutyag nga nasubo kini sa pagtuo sa mga bakak ni Peter Mandelson.
Giangkon ni Starmer nga nasabtan niya ang kasuko ug kapungot sa mga Labour Members of Parliament human sa iyang desisyon sa pagtudlo kang Mandelson isip US ambassador niadtong 2024. Dugang pa niini, nga si Mandelson nagpakita og bakak sa proseso sa vetting, diin gipakita nga halos wala kini kaila sa disgrasyadong financier.
Sa kasamtangan ang kapalaran ni Starmer nakabase sa desisyon sa mga Labour Members of Parliament, samtang ang Conservative leader nga si Kemi Badenoch ming-ingon nga “pangutana na lang kung kanus-a, dili kung mahitabo ba” ang pagbiya sa prime minister. Usa ka Labour MP usab ang miingon nga “sigurado” nga mag-resign si Starmer.
Sa laing bahin, wala pa motubag si Mandelson sa mga pangutana sa media, apan nasabtan na ang iyang baruganan hinungdan nga wala kini nakabuhat og bisan unsang kriminal nga lihok ug wala kini magpahimulos alang sa pinansyal nga benepisyo.
