BUTUAN CITY – Gisita sa mga traffic enforcers sa Crawford County Sheriff’s Office sa Oklahoma Highway Patrol ang daw Unidentified Flying Object kon UFO tungod sa posibilidad nga nasayop kini sa gi-agi-ang planeta okaha nakalapas lang gayod kini sa balaud sa trapiko.
Nasayrang nagpatrolya si Highway Patrol Trooper Ryan Vanvleck sa Turner Turnpike, Oklahoma, dihang iyang nakita ang nagdagan sa highway nga susama gayod sa Unidentified Flying Object o UFO rason nga iya kining gipara.
Migawas sa maong sakyanan ang duha ka babaye nga nasutang padulong diay sa New Mexico aron mutambong sa Roswell UFO Festival.
Nasayrang ang Roswell usa ka siyudad sa southeastern part sa New Mexico kansa nailang site sa reported UFO crash niadtong 1947.
Mapalgan sa Roswell ang International UFO Museum and Research Center nga duna’y display panels ug library kalabot sa mga aliens.
Inay nga isyuhan og ticket tungod sa violation, gipahimangnuan na lang ang mga sakay niini nga siguruhong visible ang ilang plate number.
