BUTUAN CITY – Mokabat sa 300-mil pisos ang natalang damyos sa nasunog nga sakyanan sa Children’s Park sa Brgy. 9, Buenavista, Agusan del Norte. Sumala ni Fire Officer 1 Roland Retiza sa Buenavista Fire Station, ni-ulbo ang maong sakyanan bandang alas 12 ang takna sa udto kagahapong adlawa.
Saysay matud pa sa tag-iya sa maong sakyanan nga si Beverly Vertudazo, 57-anyos ug taga-Butuan City, naka-parking lang matud pa ang nasangpit nga sakyanan ug wala matud pa kini laing nakita rason nga under investigation pa ang maong hitabo. Dugay matud pang napalong ang kalayo taliwala nga na-unhan na kini og pasirit og fire-extinguisher tungod kay mga wirings matud pa ang unang gilamoy sa kalayo.
Sa karon, dili na makadagan pa ang maong sakyanan, ilabina nga nahurot og lamoy sa kalayo ang simod niini. Pahimangno na lang ni Retiza sa publiko nga kinahanglang duna gayuy contact number sa Bureau of Fire ingon man sa ubang mga rescue teams nga naka-save sa cellphone sa lugar nga ilang adtuan.
Ang pamahayag ni Fire Officer 1 Roland Retiza sa Buenavista Fire Station.
