BUTUAN CITY – Giklaro ni Wilson Fortaleza, ang tigpamaba sa Partido Manggagawa nga nakabase sa “basket of goods” kon available nga food bundles kon mga pagkaon, ang sukdanan aron matawag nga food poor o dili ang usa ka Pilipino.
Sumala niini, ang food bundles na usab ang butangan og balor, rason nga kung mahal ang item sa food bundle, musaka usab ang poverty threshold kon sumbanan sa kapubrihon. Ang nakapait matud pa kay perti ra ka ubos ang balor sa mga items nga gi-label sa National Economic and Development Authority kon NEDA hinungdan nga ubos usab ang poverty threshold sa Pilipinas.
Ang food bundle mao ang representasyon sa mga gikinahanglan sa mga tawo matag adlaw, kansa sumala sa NEDA, igo na matud pa ang 64 pesos. Apil sa food bundle ang basic needs sa usa ka Pilipino sama sa Itlog, karne, kape, ug uban pa.
Dugang niini, mamahimo usab nga maayo na lamang ang representasyon sa Philippine Statistics Authority, kansa mao ang tinubdan sa datus sa NEDA. Apan ang pangutana kung satisfied ba niini ang katawhang Pilipino.
Ang pamahayag ni Wilson Fortaleza, ang tigpamaba sa Partido Manggagawa.
