BUTUAN CITY – Ubay-ubay ang patay sa pag-atake ngadto sa mga police officers, tagduha ka mga simbahan ug mga sinagoga sa North Caucasus Republic of Dagestan sa Russia Gi-target sa mga gunmen ang mga siyudad sa Derbent ug sa Makhachkala atol sa Orthodox festival sa Pentecostal.
Apil sa mga namatay ang dili mu-ubos sa 15 ka mga police officers, usa ka pari ug usa ka security guard ingon man unom ka mga attackers samtang gipangita pa ang uban nilang mga ka-ubanan.
Wala pa matumbok ang grupong responsable apan kaniadto pa nakasinati na ang Dagestan og mga Islamist attacks.
Patay sa maong pag-atake ang usa ka pari Orthodox Church sa Makhachkala, ang pinakadakong siyuad sa Dagestan. Ang ihap sa 15 ka mga police officers nga napatay, gikan kang Dagestan’s republican leader Sergei Melikov.
Base sa footage nga gi-post sa social media, makita ang mga armadong kalalakin-ang naka-itom ug gipamusil ang mga police cars, adiser naka-abot ang convoy sa mga emergency service vehicles sa dapit nga nahitabuan.
Sa Derbent – nga maoy puy-anan sa karaang Jewish community – gi-atake sa mga gunmen ang usa ka sinagoga ug usa ka simbahan ug gipangsunog kini.
