BUTUAN CITY – Ubay-ubay nga mga republic acts (RAs) nga nagmugna og dugang mga regional trial court (RTCs) ug metropolitan trial court branches sa managlahing bahin sa nasud, ang gipirmahan ni Pangulong Ferdinand ‘Bongbong’ Marcos Jr. Apil sa mga bag-ong gipirmahan:
- RA 12029: ang pagmugna og duha ka dugang RTC branches sa Fourth Judicial Region nga ibutang sa lungsod sa Silang, Cavite
- RA 12030: ang pamugna og dugang tulo ka mga metropolitan trial court branches sa National Capital Region Judicial Region nga ibutang sa Parañaque City
- RA 12031: ang pagmugna og duha ka mga dugang RTC branches sa Second Judicial Region nga ibutang sa lungsod sa Cabagan, Isabela
- RA 12032: ang pagmugna og dugang tulo ka mga RTC branches sa Tenth Judicial Region nga ibutang sa San Jose, Dinagat Islands, ug duhang duha ka Municipal Trial Court branches sa Tenth Judicial Region nga ibutang sa mga lungsod sa San Jose ug Basilisa, sa Dinagat Islands province
- RA 12033: ang pagmugna og dugang RTC branch sa Eighth Judicial Region nga ibutang sa Baybay City sa Leyte
- RA 12034: ang pagmugna og unom ka dugang RTC branches sa Ninth Judicial Region nga ibutang sa alunsod sa Diplahan sa Zamboanga Sibugay
- RA 12035: ang pagmugna og tulo ka dugang RTC branches sa Tenth Judicial Region nga ibutang sa Valencia Cuty sa Bukidnon ug ang
- RA 12036: ang pagmugna og upat ka dugang RTC branches sa Eighth Judicial Region nga ibutang sa Tacloban City sa Leyte
Base sa balaud, ang Supreme Court (SC) mag-assign og hingtungdang branch numbers sa mga bag-ong mugnang trial court branches.
Uban sa pakig-alayon sa Department of Justice (DOJ) Secretary, ang Chief Justice kinahanglang ilakip gilayon ang operationalization sa dugang mga branches sa ilang programa.
Ang Supreme Court mag-isyu usb sa gikinahanglang mga rules and regulations alang sa epeketibong implementasyon sa maong mga RAs apil na ang realignment sa lingkuranan sa nagtunhay nga mga branches apil na ang ilang territorial jurisdiction.
Ang pundo nga gi-require alang sa operasyon sa mga bag-ong mugna nga mga korte, kinahanglang gahinan ug ipagawas lang kung anaa na ang actual organization sa mga korte ug appointment sa mga personahe niini.
Mu-epekto ang mga RAs 15-diyas human kini gipublisar sa Official Gazette okaha sa mantalang duna’y general circulation.
