BUTUAN CITY – Midangop ning sibyahan ang pipila ka mga trabahante sa usa ka kumpanya sa lubi ning dakbayan sa Butuan human nga kalit silang gipa-undang sa ilang trabaho taliwala nga duna nay kasabutan nga mosulod sila katulo sa usa ka semana, human nga na-undang ang ilang operasyon sa production.
Sumala ni Erwin Docdoc, na-undang ang ilang produksyon tungod sa daot nga makinaryas apan nagdesisyon matud pa gihapon sa kompanya nga dili gayud sila patrabahuon taliwala sa nga duna nay nasabutan.
Saysay ni Docdoc, daan na matud pa kini nga sistema sa maong kumpanya, kondiin dili patrabahoon ang mga regular nga trabahante ugaling dunay kakulian sa ilang produksyo bisan og sila naka-time in na.
Ang pamahayag ni Erwin Docdoc, usa sa mga reklamante. Nasayran nga ang uban kanila, 14 na ka tuig sa maong kumpanya, ug duna usay 17 ngadto sa 20 ka tuig na, rason nga dili matud pa maki-angayon nga dali-dalion ra sila pagpa-undang og trabaho.
