BUTUAN CITY – Gikatakdang ibalik sa Pilipinas karong Septembre ngadto sa Estados Unidos ang missile system nga unang gidala dinhi sa Pilipinas niadtong Abril ning tuiga alang sa Balikatan joint military exercises.
Sigon ni Army Spokesperson Col. Louie Dema-ala, ang Typhoon Weapon System sa US, duna’y kakapas nga magpalupad og SM-6 anti-aircraft missiles nga duna’y operational range nga 240 kilometros ug Tomahawk Land Attack Missiles nga duna’y operational range nga 2,500-kilometros.
Madumdumang pipila ka mga nasud ang mibatikos sa gihimo sa US pag-deploy sa maong missile system dinhi sa Pilipinas, apil na niini ang China ug Russia.
Sa unang panagtigom nila Chinese Defence Minister Dong Jun ug US Defense Minister Lloyd Austin niadtong Mayo, gipadayag sa Chinese minister ang pagsupak nila sa deployment tungod kay hulga matud pa kini sa kalinaw ug kalig-on sa rehiyon.
Una nang gibulgar ni Russian President Vladimir Putin ang pag-deploy sa maong missile system sa Denmark, adiser kini gidala dinhi sa Pilipinas.
