BUTUAN CITY – Suportado ni Health Secretary Teodoro Herbosa ang sugyot ni Senator Erwin Tulfo nga gamiton ang pondo sa Medical Assistance for Indigent and Financially Incapacitated Patients kon MAIFP sa pagpalit og tambal ug medical devices alang sa panginahanglanon sa mga pasyente.
Sigon ni Herbosa, usa kini ka maayong lakang aron mapadali ang paghatag og tabang medikal ug mas mahimong episyente ang paggamit sa pondo.
Gisugyot kini ni Senador Erwin Tulfo, human ang taho nga adonay pribadong ospital sa Batangas ang mihunong pagdawat og guarantee letters gikan sa Department of Health kon DOH tungod sa balayronon.
Gisiguro usab ni Herbosa nga adunay saktong pondo ang maong programa ug ang mga delay kasagaring hinungdan lamang sa palpak nga mga dukomento.
Lakip usab sa gisugyot ni Tulfo ilawom sa House Bill No. 11444 ang direktang pagdumala sa DOH sa pondo, aron dili na kinahanglang mo-agi sa kongreso, mapundohan ang operasyon sa mga ospital ug aron mapadali ang serbisyo sa mga pasyente.
