BUTUAN CITY – Subling mihimo og kasaysayan alang sa Pilipinas si Pinay tennis star Alex Eala, human niini giparot sa kulba-hinam nga dula si Clara Tauson nga taga Denmark sa iskor nga 6-3, 2-6, 7-6 (13-11).
Tungod niini, nahimo na si Eala nga pinaka unang Filipino woman nga nakadaug sa match sa Grand Slam singles tournament sa Open era, ug giputol usab niini ang sunod-sunod nga mga first-round exits sukad sa pagsulod niini sa main draws.
Si Tauson ang kasamtangan nga world ranked 15 diin sa edad nga 6 anyos pa lamang, kay nag sugod na kini og dula og tennis. Gikunsidera usab kini isip pinaka maayong tennis player sa Denmark.
Duna na kini naangkon nga 33 ka daug, ug 17 ka pildi sa 2025 , sa kasamtangan, 22-anyos pa lamang si Tauson. Sayrang ning-abot kini sa third round sa US Open niadtung 2021, 2023 ingon man 2024.
Samtang ang 20-anyos nga si Eala kay anaa lamang sa rank 70 diin duna pa kini opisyal nga 26 ka-daug ug 18 ka pildi karon nga season. Kini ang unang dula ni Eala sa US Open ug unang higayon nga magka-atbang ang duha.
