BUTUAN CITY – Giklaro ni Tubay Agusan del Norte SB Member Nilo Mordeno nga walay luna sa kabarangayan sa maong lungsod ang pagpihig-pihig. Kini human nga eksklusibong ning dangop ning sibyahan ang usa ka nagpakabana nga lumolupyo sa Brgy. Sta. Ana sa maong lungsod, bitbit ang alegasyon nga sa yuta matud pa Kapitan sa maong Barangay gipahigayon ang pagpanglampas alang sa ayudang TUPAD kon ang Tulong Panghanapbuhay sa Ating Disadvantaged/Displaced Workers.
Sumala sa usa ka indibidwal nga ning sumbong ning sibyahan, kansa wala nagpaila, mismong sa yuta matud pa sa kapitan sila gipalampas alang sa TUPAD , imbis kay sa mga kalsada o uban pa, dugang sa reklamante nga human sa ilahang pagpanglampas, gipatanum pa gayud sila og saging.
Apan sumala ni SB Nilo Mordeno nga tungod matud pa kini sa gipakanaog nga ordiana sa ilang lungsod diin imbis nga sa mga kadalanan lamang manguna ang nalakip sa TUPAD, adto na lamang kini gihimo sa mga yuta nga wala na gamita sa tag-iya arun nga matamnan pa kini sa mga tawo.
Apan pagklaro sa maong opisyal nga ang kinahanglang duna matud pay Memorandum of Agreement ang nasangpit nga pagtrbaho.
Ang maong ordinansa nag sumikad sa ideya nga kianahnglang dili masayang ang kahago sa mga residenteng kasagaran sa mga kalsada ra mang guna, kundili mas maayo kon duna matud pa silay maani sa sunod nga mga bulan.
Sa kasamtangan, kamulo pa og kontak ning sibyahan sa Brgy. Kapitan sa Sta. Ana, Tubay, Agusan del Norte. Samtang, wala usab makatubag sa among tawag ang ning sumbong sa maong isyu.
