BUTUAN CITY – Dismayado ang amo sa usa ka lalaking duna’y deperensya sa pangisip kinsa gipusil-patay sa usa ka pulis human nga wala kini gidetine sa I yang mga ka-ubanang pulis sa lungsod sa RTR, Agusan del Norte.
Naila ang namatay nga si Jonathan Villarta, 36-anyos, ulitawo og residente sa Purok 3, Brgy. 2 sakop sa maong lungsod samtang ang suspek mao si PO2 Glenn Villana kinsa nadestino sa maong lungsod.
Nasayrang nakita matud pa sa maong pulis ang biktima nga nagdula og toy gun nga giti-on ngadto kaniya hinungdan nga gipusil niini ang duha niya ka mga paa.
Wala gilayon dalha sa suspek ang biktima sa ospital hangtud nga nahutdan kini og dugo resulta sa iyang hinanaling kamatayon.
Natigayon ang maong pagpamusil pasado ala-una kaganinang kaadlawon sulod sa merkado sa maong lungsod. (Beth Ruiz)
