BUTUAN CITY – Padayon karung gisuta sa foster parents ang tinood nga problema sa ilang ampon nga naghikog patay kagabii sa ila mismong panimalay sa Purok-7, Barangay Ambago ning siyudad sa Butuan.
Sa nakuhang impormasyon ning sibyahan, midangop nalang sa Butuan City Police Station-3 si Danilo Monta aron itaho ang pagkadiskubri sa iyang asawang si Charita Monta sa nagbitay nang patay’ng lawas sa ilang ampon nga si Jay Amarelio alyas aramet, 27-anyos nga olitawo, mga alas 9:00 kagabii.
Sa gihimung imbestigasyon sa kapulisan, nasayrang nag-inum sulod sa balay ang biktima ug sa dihang hubog-hubog na kini, miluwat kining mas maayu nalang matud pag magtubok aron masolbad ang tanang problema.
Nikuha gelayon kini ug pisi ug miadtu sa luyong bahin sa ilang balay ug naghikog.
Kumbinsido usab ang pamilya nga walay foul play sa pagkamatay sa ilang ampon nga karun gilamayan na diha sa ilang panimalay.
