BUTUAN CITY – Dili moubos sa 108 ka mga indibidwal ang napatay tungod sa pagbusikad nga natigayon sa usa ka tunghaan sa Southern Iran, sumala sa usa ka lokal prosecutor.
Natigayon kini sa gilusad sa US og Israel nga dakong air strikes batuk sa Iran.
Sigon ni President Masoud Pezeshkian usa kini ka “barbaric act” og laing palid nga natala ang dili maihap nga kremin nga nakomitar sa mga mi-atake.
Sa karun wala pay kumpirmasyon gikan sa duha ka nasud sa pag-atake nila sa tunghaan nga dool sa base sa Iran’s Revolutionary Guard Corps, kansa target sa mga strikes.
Ang Red Cross og Red Crescent officials sa Geneva nagbutyag nga nag-mobilised na sila og response teams nga moadto sa maong tunghaan.
Sigon sa opisyal nga ang maong tunghaan anaa sa siyudad sa Minab sa Hormozgan province kansa target sa tulo ka missile attacks”.
Nahimutang kini sa 600 metros gikan sa base sa IRGC.
Makita sa social media pinaagi sa usa ka Iranian nga nagpuyo na gawas sa Iran nga ang unang biktima matud pa sa maong giyera mao ang 40 ka mga babaye sa Minab nga na-igo sa missile attack.
Sumala sa Iranian Red Crescent nga dili moubos sa 201 katawo sa tibook nasud ang napatay sa air strikes samtang 747 ang samaron.
