BUTUAN CITY – Nagkahinabi sila si US President Donald Trump ingon man Ukrainian President Volodymyr Zelensky kagahapong adlawa sa Vatican pila ka minuto adiser gisugdan ang funeral mass alang kang Pope Francis.
Sumala sa gipaambit nga litrato ni Zelensky sa iyahang X account, makita ang duha ka mga lider nga seryusong naginatubangay samtang naglingkod nga walay mga aides sulod mismo sa St. Peter’s Basilica.
Sumala pa ni Zelensky nga maayo matud pa ang resulta sa pakighinabi niini ni US Presidnet Donald Trump. Dugang niini nga naglaum usab siya sa bunga sa tanan nilang nahisgutan ni Trump.
Sumala usab sa kauban ni Trump nga spokesperson sa Whitehouse, ning lungtad matud pa og 15 minutos ang panag-istorya sa duha ka lider, diin nasabutan usab sa duha nga ipadayon pa ang hisgutanan kalabot sa gyera sa Ukraine ug Russia.
Kini na ang pinaka unang panagkita sa duha human sa init nga tinubagay niini sa whitehouse niadtung Pebrero ning tuiga.
