BUTUAN CITY – Opisyal na ang resulta alang sa pagbalik-white house ni kanhi US President Donald Trump human nahimong pinal ang talaaan sa makasaysayanong US Presidential Election 2024.
Nakuha ni Trump ang 279 sa 538 ka mga electoral votes as of 6:42 pm karong adlawa November 6, oras sa Pilipinas base sa mga projections.
Kahibaloang si Trump na ang pinaka unang Presidente sa Estadus Unidos nga kombiktado sa kasong Felony, ingon man siya na usab ang pinakatigulang na nga Presidente sa US atul sa inagurasyon unya niini.
Ning daug si Trump human niya nakuha ang electoral votes sa Alaska ug Wisconsin karong gabie, oras sa Pilipinas, nga dunay 3 ug 10 ka mga electoral votes kansa maoy ning dugang alang sa 279 ka mga electoral votes niini. Nakuha usab ni Trump ang pito ka mga crucial swing states sa America nga mao ang North Carolina, Georgia, Pennsylvania ug Wisconsin, lamang usab kini og gamay sa Michigan, Nevada, ignon man sa Arizona.
Sumala pa ni Trump sa nahimo niining pamahayag kaganina nga Golden Age na matud pa kini sa America
Ang pmahayag ni US President-Elect Donald Trump.
Sa kasamtangan, duna lamay 223 ka mga electoral votes ang nakuha sa kalaban ni Trump nga si Kamala Harris. Makasaysayanon ang maong kada-ugan ni Trump tungod kay siya ang pinaka-unang presidente sa Estados Unidos nga mibalik sa posisyon dul-an upat ka tuig human niini gibiyaan ang maong pwesto dihang gipildi siya ni Democrat Joe Biden niadtung 2020 US Presidnetial Election.
Nakadugang sa kontrobersyang nakakabit kang Trump atol sa election campaign niini ang iyang criminal trial, duha ka assassination attempts ug pag-usab sa Democratic ticket human mi-atras sa lumba si President Biden.
Tungod niini nga kada-ugan, siya na ang unang presidente sa US sulod sa kapin 120 ka mga tuig nga napildi sa White House, apan nibalik ug ning-daog pag-usab sunod kang kaniadto President Grover Cleveland niadtong 1892.
